Vinnige Flitse

Laerskool Pierneef

Ons kinders blink uit akademies sowel as op sport- en kultuur gebied! Laerskool Pierneef is die skool wat bereid is om die extra myl saam met jou te stap! Die skool se leuse "STAAN VAS" verwoord ons strewe om daadwerklik daartoe by te dra om elke kind se talente optimaal te ontwikkel, terwyl lewensbeginsels van deursettingsvermoe stewig gevestig word! Kontak die skool gerus of besoek ons enige tyd Maandag - Vrydag 8h00 - 13h00
Laerskool Pierneef
Laerskool Pierneef
Vrydag, 12 Augustus 2022, het die Pierneef gemeenskap weer onthou waar ons vandaan kom en hoekom daar soveel mooi is om oor dankbaar te wees toe Laerskool Pierneef , NG Kerk Pierneef en die Pierneefteater tyd geneem het om hulde te bring aan die kunstenaar van waar ons naam vandaan kom. Saam met die FAK was ons in die Heldeakker , het ons sy graf bietjie skoongemaak en ‘n krans gelê. Laerskool Pierneef, onder leiding van Juffrou Hartslief, het ook ‘n versameling werke wat ons kinders in Pierneef se styl gedoen het, aan die FAK oorhandig. Twee gepaste Pierneef gedigte is deur Jopie van die Pierneefteater saam gestuur en Ds Paullet Grobler het seker gemaak die kerk is goed verteenwoordig.

Na die skoonmaak aksie het Barry Müller die Voortrekkermonument vir ons oopgemaak, en kon die kinders en geselskap ‘n oorspronklike Pierneef skildery sien, en weer in aanraking kom met hulle erfenis en geskiedenis.

As mens terug kyk op die dag en die uitstallings is daar voorwaar so baie dinge wat gebeur het waarvoor ons dankbaar kan wees. Die kinders met hulle energie en jong passie in die bussie wys ons daar gaan nog soveel wees om oor dankbaar te wees in die toekoms.

Lekker verjaar Hendrik Jacobus Pierneef, en dankie dat ons jou naam kan laat voortleef hier in ons hoekie van die Moot.

#Erfenis
Laerskool Pierneef
Laerskool Pierneef
Die Mini Krieket seuns en meisies neem vandag deel aan hulle eerste wedstryde by Laerskool Voorpos! Sterkte julle outjies!
Laerskool Pierneef
Laerskool Pierneef
Sterkte by Eduplex al julle Pierie langasems!
Laerskool Pierneef
Laerskool Pierneef
Vandag is 'n groot sportdag met 'n klomp mense wat in die Moot kom Kuier. The Gentleman of CBC Mount Edmond was here yesterday for cricket, and their u/11 team is coming today. Dan speel ons ook gasvrou by die sagtebal vir die meisies van Laerskool Silverton Primary. Die snoepie is oop, en die kos en die sport gaan warm wees vandag!
Laerskool Pierneef
Laerskool Pierneef
Aan al die Pierie meisies, ma’s , juffrouens, oumas tannies, tantes, niggies en vroue. Gelukkige Vrouedag.